HAUHITAJI KUSOMA CHUO FULANI ILI UWE MTAALAMU

NAMNA YA KUWA MTAALAMU UKIWA BADO UNASOMA.

( HOW TO BECOME AN EXPERT WHILE AT SCHOOL )

HAUHITAJI KUSOMA CHUO FULANI ILI UWE MTAALAMU.

Kuna watu wengi wanafikiri yakwamba ukisoma chuo Fulani tayari hiyo ni tiketi ya kuwa mtaalamu. Kama wewe ni mmoja wapo jua kwamba unajidanganya mwenyewe.

Image result for african university students

· Kusoma chuo fulani sio tija kwamba utakuwa mtaalamu. Usijisifu kusoma chuo Fulani kisa umeambiwa kusoma chuo unachosoma kinatoa wataalamu wakati wewe huweki juhudi zozote.

· Ni mara ngapi umeona watu waliosoma vyuo vinavyosifika kutoa wataalamu wanakosa kazi? miaka nenda rudi wanazunguka ofisi moja hadi nyingine wakitafuta kazi.

· Au ni mara ngapi umesikia watu wakisema ukisoma shule fulani tayari umefaulu na unakuta mtu alikuwa kipanga na bado anafeli?. Kumbe chuo unachosoma sio tija kwamba utakuwa mtaalamu.

Wewe unayesema sijui chuo unachosoma hakina jina, hiyo isiwe sababu ya kukosa kuutafuta utaalamu. Kama unasema chuo chako hakina jina kuwa wa kwanza kulijenga wewe pia na wenzako. Inabidi ifike hatua ujisemee mwenyewe maneno haya: “KAMA WATU WOTE WATAACHA KUUTAFUTA UTAALAMU, MIMI NITAKUWA WA MWISHO.”

Usikae chini na kuanza kunungunika kwamba chuo chenu hakina jina, juhudi zako na kujituma vinaweza kukufanya uwe mtaalamu popote ulipo.

Mfano wa mzee wa hekima na kijana mmoja.

Katika kijiji kimoja kulikuwepo na mzee mmoja aliyekuwa amejawa busara na hekima ya ajabu. Wakijiji wote walipokuwa wakipata shida yoyote, walimfuata ili awasaidie ni kwa namna gani wanaweza kupata fumbuzi za matatizo yao. Kwakuwa alikuwa mzee wa hekima na busara basi watu wote pale kijijini walimpenda mzee yule.

Sikumoja kijana mmoja alitaka kumjaribu mzee huyo kama kweli ana hekima au la. Basi alichukua ndege mmoja mdogo na kumweka kiganjani kwake huku akiwa amemfungia vyema kiganjani mwake. Alipofika kwa yule mzee mwenye busara alimuuliza swali kama ndege yule yu hai au amekufa. Alitaka mzee akisema ndege yule yu hai basi ambinye kiganjani mwake afe. Au mzee yule mwenye busara akisema ndege yule amefariki basi kijana yule angemwachia apae juu hewani.

Mzee yule mwenye busara na hekima alijibu hivi “Kijana wangu, uhai wa ndege huyo humo mikononi mwako, unaweza kumbinya afe au kumwachia apae juu hewani abaki akiwa hai.”

Hadithi hii inatufundisha nini.

· Uwezo wa kuwa wataalamu huko mikononi mwetu, yeyote anayeamua na kusema kuwa anataka kuwa mtaalamu anaweza kuwa.

Jifunze kuchimba almasi mahali ulipo. Inawezekana chuo unachokisoma unakiona hakiwezi kukufanya mtaalamu lakini mimi leo nakwambia mahali popote unaweza kuwa mtaalamu. Majani ya mahali ulipo yanaweza kuwa hayaonekani ya kijani kumbe ni upofu wa macho yako.

Katika bara la Afrika kuna mkulima mmoja aliyekuwa na shamba moja kubwa sana. Kufanya kilimo kwake lilikuwa jambo linalompa furaha muda wake wote. Hakuwahi kukosa furaha maisha yake yote. Siku mmoja mzee mwenye hekima alimtembelea na kumwelezea kuhusu utajiri uliopo katika almasi. Mzee mwenye hekima alimwambia, “Kama ungelikuwa na almasi inayolingana na ukubwa wa kidole gumba ungeweza kuumiliki mji wako wote. Kama ungelikuwa na almasi inayoligangana na kiganja chako ungeweza kumiliki nchi yako nzima.” Kisha mzee huyo aliondoka. Usiku huo mkulima huyo hakulala. Furaha yake yote ilipotea kabisa.

Asubuhi iliyofuata alichukua uamuzi wa kuuza shamba lake na kwenda kuitafuta almasi. Alitafuta Afrika nzima hakufanikiwa. Alitafuta Ulaya nzimalakini wapi. Alipofika nchi ya Uhispania alikuwa tayari maskini wa kiakili, kinguvu na kifedha. Alikuwa amevunjika sana moyo hivyo alijirusha katika mto Barcelona na kujiua.

Nyumbani alikouza shamba. Yule bwana aliyenunua shamba lake alikuwa akiwanywesha ngamia maji kwenye kijito kilichopita kwenye shamba lake. Ndani ya kijito kile mwanga wa jua ulimulika jiwe na kulifanya litoe miale mikali. Alifikiri na kusema linaweza kuwa jiwe zuri kutumika kama pambo nyumbani kwake hivyo alilichukuwa jiwe lile. Mchana hule yule mzee mwenye hekima alirudi na kuona jiwe lile. Aliuliza, “Hafiz amerudi?” Yule mmiliki mpya wa shamba alijibu, “Hapana, kwanini umeuliza?.” Mzee mwenye hekima alijibu na kusema “Kwasababu hiyo ni almasi, ninaitambua pale tu ninapoiona kwa macho.” Yule mtu alijibu, hapana, ni jiwe tu nililoliokota kwenye mto. Njoo ujionee kuna mengine mengi.” Walikwenda na kuokota baadhi na kuyachukua kwa wataalamu wa madini. Waligundua ya kwamba shamba lile lilikuwa limezungukwa na almasi.

Kuna mambo mawili ya kujifunza hapa.

Moja, fursa mara nyingi huwa ziko chini ya miguu yetu lakini tunakimbia na kwenda kuzitafuta pengine. Tunachohitaji ni kuzitumia fursa hizo. Ukiwa chuo hiyo tayari ni fursa hakikisha unaitumia fursa hiyo vizuri.

Mbili, fursa ikishajitokeza na kuondoka haiwezi kuja kama ilivyokuwa mwanzoni. Tumia vizuri fursa uliyonayo leo ya kuwa shuleni kuutafuata utaalamu.

TANGAZO:

Bado naendelea kupokea oda za kitabu cha NAMNA YA KUWA MTAALAMU UKIWA BADO UNAASOMA. Kitabu hicho kitapatikana kwa watu 100 wa kwanza walioweka oda kwa bei ya punguzo shilingi 5000/= baada ya hapo bei itabadilika. Kitabu hicho kitapatikana kwa njia ya softcopy (NAKALA TETE) hivyo kila mtu ataweza kukipata. Unangoja nini wewe rafiki yangu? Weka oda yako sasa kupitia;

0764145476(SMS)

0625951842(WhatsApp)

ekatamugora@gmail.com

“MAFANIKIO YAKO, MIKONONI MWAKO.”

Ndimi;

EDIUS KATAMUGORA

Mwandishi na Mhamasishaji