MAMBO YATAKAYOUSAIDIA UBONGO WAKO KUFANYA KAZI IPASAVYO

Steven K. Scott aliwahi kusema “Kompyuta yenye nguvu kubwa sana sio ile unayoiona kwa macho ikiwa imefungiwa kwenye fremu Fulani bali ni kitu kidogo kisichoonekena kilichofungiwa ndani ya kichwa chako.”

Ubongo wa kila mwanadamu umeumbwa kwa namna ya ajabu sana, wakati kompyuta ikiweza kupokea taarifa moja kwa muda Fulani, ubongo wako unawez kupokea taarifa milioni 4 na kuzifanyia kazi kwa wakati mmoja. Inashangaza kwamba ubongo huo huo unafanya kazi kwa masaa 24 kila siku, siku sab kwa wiki, kwa miaka 70, 80 na hata 100 bila matengenezo yoyote.

Najaribu kufikiria hakuna mashine yoyote inayowea kufanya kazi kama ubongo wako unavyofanya kazi bila kufanyiwa marekebisho au matengenezo yoyote.

Kuna mambo ambayo unatakiwa kuupatia ubongo wako ili ufanye kazi kwa viwango aya uwezo wake. Kuna vyakula au vinywaji tunavyokunywa ambavyo vipunguza uwezo wa ubongo wetu kufanya kazi kwa ufasaha.

Ubongo wako kama zilivyosehemu nyingine za mwili unahitaji kupata mlo kamili.

Kuna vitu vitatu vya kuzingatia unapohitaji kuupatia ubongo wako chakula kitakachohusaidia kufanya kazi vizuri:

1. Maji
2. Mlo kamili

3 3Kuepuka kuvimbiwa wakati wa kula.

Kitu cha kwanza muhimu ni kwamba ubongo wako unahitaji kuwa katika hali ya unyevuunyevu ili ufanye kazi kwa ufasaha. Unahitaji kunywa lita kadhaa za maji kila siku ili ubongo wako ufanye kazi kwa ufasaha.

Ili zege iwe imara inahitaji kuwa katika hali ya unyevuunyevu ndipo itakauka na kuwa imara Zaidi. Hivyo hivyo ubongo wako pia unahitaji kuwa katika hali ya unyevuunyevu (uwe na maji) ili ufanye kazi kwa viwango vya juu sana.

Watu wengi hufanya kazi chini ya uwezo wao kutokana na kuwa katika hali ya kukosa maji mwilini mwao. Kimsingi tunakosea sana tunapokunywa naji wakati tunahisi kiu, hiyo inamaana kwamba tayari mwili wako umekosa maji kwa muda mrefu. Kitaalamu unashauriwa kunywa glasi mbili au tatu za maji kila unapoamka maana ubongo wako hufanya kazi nyingi wakati wa usiku unapokuwa umelaala hivyo unakuwa umepoteza maji mengi.

Kwa mujibu wa (H.H Mitchel, Journal of biological Chemistry 158) asilimia 73 ya ubongo na moyo ni maji na mapafu yan asilimi 83 ya maji, ngozi ina asilimi 64 ya maji, misuli na figo vina asilimi 75 na mifupa ina asilimia 31. Kumbe sehemu kubwa ya mwili wa mwanadamu ni maji.

Uchunguzi uliofanywa na Trevor Brocklebank katika chuo cha Leeds huko Uingereza uligundua kwamba wanafunzi waliopata matokeo mazuri darasani ni wale waliokunywa karibia glasi nane za maji kila siku.

Mtunzi na mwandishi wa kitabu cha Mbinu 7 Za Kupata Mafanikio Halisi, Aderitus Ngimbwa ametoa ushauri mzuri unaoweza kutujengea kuwa na utaratibu wa kunywa maji kila siku.

Bwana Aderitus anasema;

· Usisubiri uwe na kiu ndo unywe maji.

Unapoamka asubuhi kunywa maji, baada ya kula kunywa maji, kunywa maji ukimaliza kufanya mazoezi, mezani kwako iwepo chupa ya maji na kazini kwako usisahau kubeba chupa ya maji.

Weka kengele ya kukumbusha(alarm) na andika mahali.

Tumia simu au kompyuta yako kuweka kengele ili ikukumbushe kunywa maji baada ya kila muda Fulani. Andika mahali kwenye kitabu chako cha kumbukumbu (notebook) au karatasi utakayoisoma mara kwa mara na kukumbuka tabia yako mpya ya kunywa maji.

Pili, unahitaji kula mlo kamili. Kila aina ya chakula unachokula kinaleta matokeo Fulani mwilini. Vyakula vyenye Protini kama vile mayai, maziwa, samaki na kuku hutengeneza kemikali a,bazo husaidia ubongo kufanya kazi vizuri Zaidi. Vyakula vyenye wanga kama vile mboga za majani, wali na matunda hutengeneza kitu kinachoitwa amino acid tryptophan hushusha uwezo wa ubongo kufanya kazi vizuri.

Vinywaji kama kahawa na chai huufanya ubongo ufanye kazi vizuri kwa muda mfupi tu ndiyo maana muda mwingine ukinywa kahawa unakosa usingizi. Kunywa kahawa nyingi husababisha kizunguzungu, maumivu ya kichwa na kupunguza usikivu na ufatiliaji(concentration). Kahawa pia ni kinywa kinachofyonza maji mengi mwilini. Ukinywa kikombe kimoja cha kahawa unahitaji vikombe viwili vya maji.

Pombe pia hupunguza uwezo wa kufikiri na hufyonza maji mengi mwilini ndiyo maana mtu aliyekunywa pombe nyingi usiku wa jana huamka asubuhi inayofuata akiwa na uwezo duni wa utendaji kazi.

Wote tunahitaji kula mlo kamili lakini tukumbuke kupunguza matumizi ya vyakula vyenye mafuta, wanga kupita kiasi, chumvi, sukari, kunywa kahawa na pombe kupita kiasi kwani vitu hivyo vinaathiri uwezo wa ubongo kufanya kazi kwa ufasaha.

Kitu cha tatu na cha mwisho ni kuwa na kiasi katia kula, ukila chakula kingi mfumo wako wa mmeng’enyo hufanya kazi kubwa sana kuchukua damu yenye oksijeni, ndiyo maana baada ya kula chakula kingi huwa tunahisi usingizi: Kwasababu ubongo wako unakosa damu itakayoufanya ufanye kazi kw ufasaha. Kumbuka unapokula usile ukavimbiwa, kula chakula cha wastani.

"Mafanikio yako, mikononi mwako."

Ndimi

Edius Katamugora

Mwandishi na Mhamasishaji.

0764145476

0625951 842(WhatsApp)

Email: ekatamugora@gmail.com

JIPATIE KITABU CHA BARABARA YA MAFANIKIO KWA SHILINGI 6000 TU. POPOTE ULIPO UNATUMIWA. PIGA 0764145476

WASHIRIKISHE NA MARAFIKI ZAKO KILE ULICHOJIFUNZA KWANI MAFANIKIO NI KITU CHA KUSHIRIKISHANA.