MAMBO UNAYOTAKIWA KUFANYA MWAKA 2018

Habari mpendwa msomaji wa BIDEISM BLOG. Nichukue fursa hii kukutakia heri yam waka mpya lakini pia kukupongeza kuumaliza mwaka 2017 salama. Hongera sana kwa kuuona mwaka 2018.

Leo hii wakati tumepata fursa ya kuinza siku ya kwanza ya mwaka mpya, mwaka wenye siku 365, ni sawa na kupewa kitabu chenye kurasa 365 ambazo hazijaandikwa lolote. Sisi ndiyo watu wenye mamlaka ya kuandika katika kitabu hicho. Tunaweza kuamua ziwe kurasa hizo hizo 365 au pungufu. Kiwe kitabu chenye jina zuri au jina baya. Yote hayo yapo mikononi mwetu.

Leo hii wakati mwaka unaanza ningependa nikukumbushe mambo machache ambayo unatakiwa kuyafanya katika mwaka 2018:

Mwaka 2018 ni mwaka ambao unapaswa kumtanguliza Mungu. Mungu ndiye aliyekuumba hivyo ni jukumu lako kumuomba akuongoze katika kila unalolifanya.

Mwaka 2018 ni mwaka ambao unapaswa kujali na kuutunza muda. “Ukitaka kujua thamani ya mwaka mmoja mwulize mwanafunzi aliyerudia darasa.” Alisema mtu Fulani. Epuka vitu vinavyokuibia muda, epuka marafiki wanaokuibia muda, mitandao ya kijamii na vitu vingine.

Mwaka 2018 ni mwaka unaotakiwa kutafuta maarifa na ujuzi kadri ya uwezo wako wote. Soma vitabu vingi uwezavyo, soma Makala, fika kwenye semina mbalimbali na workshops(karakana) mbalimbali.

Mwaka 2018 ni mwaka unaotakiwa kufanya uchaguzi. Chagua ni marafiki gani wa kuambatana nao. Chagua ni watu gani wa kuambatana nao. Badilisha mzunguko wako. Kaa pamoja na watu wanokufanya ufikiri Zaidi, usikae na watu wanaokwambia haiwezekani.

Mwaka 2018 ni mwaka ambao unatakiwa kuamua na kusema kwamba majukumu yote ni yako na ni jukumu lako kuyabeba, hakuna yeyote wa kumlaumu, kuanzia wazazi, ndugu, marafiki, serikali ns hata raisi wako. “Usimuombe Mungu akupunguzie matatizo, bali muombe akupe mabega imara yamkuabeba.” Kama anavyosema DR. Fr. Faustin Kamugisha.

Mwaka 2018 ni mwaka unaopaswa kuwa na nidhamu ya hali ya juu. Nidhamu kwa watu wanaokuzunguka, nidhamu katika kazi na shughuli zako, nidhamu katika matumizi ya muda na nidhamu katika matumizi ya pesa.

Mwaka 2018 ni mwaka unaopaswa kukubali kulipz gharama. Watu wengi wanapenda kufanikiwa lakini hawapendi kulipa gharama. Kuna kulipa gharama katika matumizi ya muda, pesa, kutaja machache. Amka kabla wengine hawajaamka, fanya kazi wengine wakipumzika, lala baada yaw engine kulala.

Mwaka 2018 ni mwaka unaotakiwa kuweka akiba. Wahenga walisema “Akiba haiozi, na kama ikioza hainuki.” Kila pesa unayoingiza hakikisha unatenga fungu la kumi kama akiba. Kumbuka kuweka akiba kwanza kabla ujaanza kutumia pesa uliyoingiza. Watu wengi huanza kutumia pesa na kusema wataweka akiba, mwisho wa siku hujikuta hawanapesa yoyote mikononi mwao.

Mwaka 2018 ni mwaka unaotakiwa kuwajali na kuwapenda watu. Kuna msemo wa zamani unasema “Watu watakujali baada ya kujua wewe unawajali na unawapenda.” Shirikiana na watu. Umoja ni nguvu utengano ni udhaifu. Wakenya wanamsemo unaosema “Ukitaka kwenda haraka nenda peke yako. Ukitaka kwenda mbali nenda na wenzako.” Naye mhamasishaji Zig Ziglar alikua na haya ya kusema “Utapata kitu chochote unachohitaji kama utawasaidia watu kupata kile wanachokihitaji.”

NAKUTAKIA MWAKA MPYA WA 2018 WENYE MAFANIKIO TELE.

“MAFANIKIO YAKO MIKONONI MWAKO.’’

Ndimi

EDIUS KATAMUGORA

Mwandishi na mhamasishaji

0764145476

0625961842 (Whatsapp)

Email; ekatamugora@gmail.com

Jipatie kitabu cha BARABARA YA MAFANIKIO KWA SHILINGI 6000 TU. PIGA 0764145476

Imani yangu ni kwamba mafanikio ni kitu cha kushirikishana. Washirikishe na wenzako kile ulichojifunza.