MWANZO MGUMU

Mtoto anapoanza kutembea huanguka mara nyingi lakini hicho hakiwi kikwazo cha yeye kuacha kujifunza kutembea.

Katika maisha yetu ya kila siku tunapoanza kufanya kitu huwa tunakutana na changamoto mbalimbali. Iwe katika biashara, ujasiriamali, katika elimu na katika kutumia vipaji vyetu tunapata ugumu tunapoanza. Ndiyo maana nikaandika Makala hii yenye kichwa cha MWANZO MGUMU.

Ugumu unaoupata mwanzo katika safari yako iwe ya kutumia kipaji chako au ujasiriamali au katika elimu unakukomaza na unapata kuwa mtu imara. Kuna  msanii Kelly Clarkson kwenye wimbo wake wa ‘Stronger” aliwahi kuimba akisema, “Kisichokuua kinakukomaza.”

Ili roketi iruke kutoka ardhini kwenda angani katika dakika tatu za mwanzo utumia mafuta mengi sana kuliko mafuta yanayotumika katika safari yake yote. Wakati unaanza unahitaji kutumia nguvu nyingi kama roketi lakini ipo siku nguvu hizo utafurahia ugumu wa mwanzo. Hakuna hadithi nzuri ya ushindi kama iliyopitia katika magumu na kuyashinda.

Unapoanza kutumia kipaji chako watu watakubeza, watakutukana, watakusengenya, watakusema lakini hayo yasikuvunje moyo, katika biashara na ujasiriamali hivyo hivyo. Unahitaji kukomaa na kuwa imara. Ipo siku utafurahia na mambo yatakuwa rahisi kama utakuwa mtu asiyekata tamaa.

Ulipokuwa darasa la kwanza moja kutoa tano ulisema haiwezekani hivyo ilikuwa na hesabu ngumu kwako, lakini ulipofika darasa la tano, moja kutoa tano ilikuwa hasi tano. Ugumu uliionekana mwanzo ulipata jibu. Katika maisha yetu mwanzo uonekana mgumu lakini kadri unavyoendelea kujifunza na kufanya kazi kwa bidii mambo magumu huonekana mepesi.

Inawezekana leo unaona mambo yako ni magumu na hayendi, jipe muda na usikate tamaa. Kuna watu wengi walikata tamaa juu ya ndoto zao kumbe walibakiza hatua kidogo kufikia ndoto hizo. Fikiria Thomas Edson alifanya mazoezi ya kutengeneza balbu ya umeme mara zaidi ya 1000 na jaribio la 1001 ndiyo lilifanikisha leo hii dunia inatumia taa za balbu, hii imepelekea watu kuweza kufanya kazi masaa 24 kwani hapo kabla ya taa za umeme kuwepo mambo ya kufanya kazi saa 24  hayakuwepo. Mwanzo mgumu ni ishara ya kwamba njia uliyopo ni sahihi.

“Mafanikio yako mikononi mwako.”

Ndimi

#KijanaWaMaarifa

Edius Katamugora

0764145476

0758594893

ekatamugora@gmail.com    

• Tweet
• Share
• Share
• Share
• Share