KITABU: NAMNA YA KUWA MTAALAMU UKIWA BADO UNASOMA (HOW TO BECOME AN EXPERT WHILE AT SCHOOL)

Tarehe 24 mwezi wa kumi na moja mwaka huu ilikuwa siku ya furaha sana kwangu. Ni siku niliyotoa kitabu change cha pili baada ya kile cha kwanza kinachoitwa BARABARA YA MAFANIKIO.

Kitabu hicho kinaitwa NAMNA YA KUWA MTAALAMU UKIWA BADO UNASOMA.

Mtaalamu ni nani?

Mtaalamu ni mtu mwenye elimu, ustadi au ujuzi wa fani au jambo Fulani maalumu. Tunaweza kuwa na mhadisi mtaalamu, mama ntilie mtaalamu, muuzaji mtaalamu, mchezaji mtaalamu, mwanasheria mtaalamu, mwalimu mtaalamu, kutaja wachache.

Kimsingi wataalamu ni watu wanaofanya mambo kwa ubora na upekee. Kuwa mtaalamu ni moja kati ya kitu kikubwa ambacho unatakiwa kuwa nacho katika karne hii. kama una kiu ya kuwa mtaalamu kitabu cha NAMNA YA KUWA MTAALAMU UKIWA BADO UNASOMA (HOW TO BECOME AN EXPERT WHILE AT SCHOOL) ni jibu tosha la kiu yako.

Kuna watu wengi wanatamani kuwa wataalamu katika sekta mbalimbali lakini hawajui waanzie wapi. Kitabu hiki kinakupa dira ya wapi uanzie ili uwe mtaalamu au gwiji katika sekta ya ndoto yako.

Katika karne hii ya ishirini na moja tuliyomo, wataalamu ni watu wanaohitajika sana, kila mtu anahitaji kazi yake ifanywe na mtaalamu, kila mtu anatamani ahudumiwe na mtaalamu, kila mtu anatamani kuambatana na mtaalamu, kila kampuni inatamani kuwa na wafanyakazi wataalamu.

Lengo la kuandika kitabu hiki ni kuwasaidia watu wote wenye ndoto za kuwa wataalamu katika fani mbalimbali au jambo fulani maalumu waweze kutimiza ndoto zao. Fikiria unaingia katika chumba fulani chenye watu wengi na wanakutambua kwa utaalamu ulio nao. Ni jambo jema na la kujivunia.

“Hauwezi kuwa mtaalamu ndani ya siku tano,” ni methali ya kiafrika. Kuwa mtaalamu kunahitaji muda wako, nguvu zako, akili zako na kujitoa kwako. Kila mtu unayemuona ni mtaalamu katika eneo fulani kuna siku alikuwa ni mtu mpya kwenye hali hiyo ambayo leo hii inamfanya aonekane mtaalamu.

Utaalamu ni kitu unachoweza kujifunza kama ulivyojifunza kusoma na kuandika au kutembea na kuongea. Kuanza kujifunza utaalamu mapema ni jambo la busara mno katika chaguzi zako unazoweza kuzifanya katika karne hii, hasa ukianza kujifunza namna ya kuwa mtaalamu ukiwa unasoma ili ukija kuhitimu tayari unaweza kusimama kama mtaalamu kinara. Watu wakihitaji mtaalamu wewe uwe wa kwanza. Dunia ya leo inawapokea wataalamu kwa mikono miwili hivyo ni jukumu lako leo kuanza kujifunza namna ya kuwa mtalaamu.

Kitabu hiki nimekigawa katika sehemu huu tatu; Sehemu ya kwanza inaeleza mbinu mbalimbali zitakazokusaidia kufaulu mitihani. Mbinu hizi nimezitumia mimi na zimenipa matokeo makubwa lakini pia katika sehemu hii nimehadithia nilivyowahi kupata sifuri darasani na hatimaye kutoka sifuri hadi kupata maksi za juu na kuwa mtu wa pili darasani. Hii ni historia ya kusisimua niliyoiandika ili kumhamasisha mwanafunzi yeyote aliyekata tamaa kuwa anaweza kufanya vyema darasani kama mimi niliweza yeye pia anaweza.

Sehemu ya pili ya kitabu hiki ndiyo iliyobeba kichwa cha kitabu hiki; Namna Ya Kuwa Mtaalamu Ukiwa Bado Unasoma. Hapa nimeeleza mbinu mbalimbali anazoweza kuzitumia mtu yeyote kuufikia utaalamu. Katika sehemu hii nimetumia misemo mingi ya kukuhamasisha na mifano hai ya watu ambao leo ni wataalamu katika sehemu mbalimbali.

Sehemu ya tatu ya kitabu hiki nimeiita Shule Y a Pesa. “Kama shule zingepewa jukumu la kuwafundisha watu kuongea na kutembea, wengi wangekuwa mabubu na viwete,” alisema Herbert Kohl, mwandishi wa vitabu. Hakuna shule yeyote hapa duniani ambayo hutoa elimu ya pesa hivyo nimeona kitabu hiki kiwe sehemu muhimu ya kutoa shule hiyo maana watu wengi wameikosa na wamekuwa wakilalamika kwanini wanakosa pesa au hawana pesa. Kama wewe ni mmojawapo wa watu hao, sehemu hii ni mkombozi kwako. Kama ulikuwa ni mgonjwa mahututi, sasa umepata dawa. Usisite kuimeza.

Katika sehemu hii ya tatu, nimeongelea pia biashara na ujasiriamali. Watu wengi wanapenda kuwa wafanyabiashara na wajasiriamali lakini hawajui waanzie wapi. Kitabu hiki kimekufunulia baadhi ya mambo yatakayokufungulia njia katika biashara na ujasiriamali.

Baadhi ya watu waliosoma kitabu hicho wamesema yafuatayo;

“Kaka kusema kweli hiki kitabu nahisi kubarikiwa aisee nashukuru sana andaa kopi moja kwa kaka yangu wa Songea au kama yuko Songea nambie namna atakavyokipata kiko vizuri Zaidi ya nilivyotegemea shukrani sanaaaa.” Ota Oscar- Mbeya

“Interesting Book. Page 162 now. This is an important broke of house mind.” Saada Mpandachalo

“Kitabu kizuri sana.” Ronah Ernest

“Habari Mr Edius Katamugora, baada ya kumaliza kusoma kitabu chako cha “Namna ya kuwa mtaalamu ukiwa bado unasoma” nimejifunza mengi mno. Hiki ni kitabu ambacho natamani kila kijana aliyeko chuo kikuu anastahili kukisoma, hasa kwa wakati hu ambapo ajira ni fumbo la maisha, ajue ni nini cha kufanya. Bei ya kitabu hiki na yaliyomo haviwiani kabisa, thamani yake Yazidi elfu kumi na tano. Kaka Edius nakuona mbali zaidi ya hapa.” S. A Marandu.

Kitabu hiki kinapatikana kwa bei ya shilingi 15000/= tu unaweza kuwasiliana na mawakala wetu walioko karibu nawe ili upate kitabu chako mapema iwezekanavyo:

Dar es Salaam:

Chuo cha ARDHI: O757 082 633

Kariakoo: 0757 443 217

Morogoro (SUA)

0755 848 633

Arusha:

0764 771 298

Dodoma;

0685 097 713

Moshi;

0685 097 713

Mbeya: